Astaralı igidimiz Qurbanzadə Cəmil Anar oğlu şəhidlik zirvəsinə ucalıb.
Düşmən sentyabrın 12-də Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribatlar törədib. Əməliyyatların qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.
İgidlərdən biri də Qurbanzadə Cəmil Anar oğludur.
Qurbanzadə Cəmil 27 aprel 2003-cü ildə Astara şəhəri Qum küçəsində anadan olub. Astara şəhər 2 saylı tam orta məktəbi bitirdikdən sonra 2020-ci ildə Azərbaycan Dövlət İdman Akademiyasının qiyabi şöbəsinə daxil olub. 2021-ci ilin aprel ayında hərbi xidmətə yola düşən fəxrimiz 13 sentyabr 2022-ci il tarixində şəhadətə ucalıb.
