Astara rayonu Z.Ə.Əhmədzadə adına 2 nömrəli məktəb-liseyin X sinif şagirdi Rəsul Şahverdiyev son illərdə qazandığı uğurlarla fərqlənir.
Rəsul Şahverdiyev Lütfi Zadə adına Məntiq Olimpiadasının gümüş, Respublika fənn müsabiqələrinin biologiya üzrə qızıl, Respublika fənn olimpiadalarının qızıl və bürünc medalçısıdır. O, həmçinin Yeniyetmələrin Beynəlxalq Elm Olimpiadasında (IJSO) gümüş medal qazanıb, bu il isə Beynəlxalq Biologiya Olimpiadasında (IBO) Azərbaycan komandasının uğurlu üzvlərindən biri olub.
Gənc olimpiyaçı bildirib ki, olimpiadalar təkcə bilik yarışı deyil, həm də səbir, intizam və məsuliyyət formalaşdıran bir məktəbdir. Onun sözlərinə görə, gələcək hədəfi Azərbaycanı yenidən IBO-da təmsil edərək medal qazanmaq, daha sonra isə tibb təhsili alıb həkim olmaqdır.
Mənbə: Azərbaycan müəllimi
