Astara rayon sakini narkotik vasitələrin satışı ilə məşğul olması səbəbindən saxlanılıb. Bu haqda bu gün, 9 sentyabr tarixində Cenublu.az BNMİ-yə istinadən xəbər verir.
Baş Narkotiklərlə Mübarizə İdarəsinin keçirdiyi əməliyyat nəticəsində Surxay Mikayılov Astara rayonu, Urfan Məsmalıyev Gəncə şəhəri, Talehə Paşayeva və Cabir Məmmədov isə paytaxt ərazisində tutulublar.
Onların üzərində, avtomobillərində və yaşadıqları evdə ümumilikdə 103 kq yüksək təsirli narkotik maddə, 29 kq heroin, 12 kq tiryək, 13 kq metamfetamin, 49 kq marixuana, 7000 ədəd psixotrop tərkibli həb, elektron tərəzilər, narkotik vasitələrin satışından əldə etdikləri nağd pul vəsaitləri, qanunsuz pul dövriyyəsində istifadə etdikləri plastik kartlar və qeyd dəftərçələri aşkar edilib.
Surxay Mikayılov və adıçəkilən digər şəxslər cənub və qərb bölgələri üzrə narkotiklərin əsas tədarükçülərindən olublar. Onlarla birgə çalışan 25 nəfər də əməliyyat nəticəsində saxlanılıb.
