Elm və Təhsil Nazirliyi, Gənclər və İdman Nazirliyinin dəstəyi və STEAM Azərbaycanın təşkilatçılığı ilə keçirilən Dron idmanı üzrə respublika turnirində Astara məktəblisi uğur qazanıb.
Astara rayonunun Şahağac kənd 2 nömrəli məktəbinin VIII sinif şagirdi, 14 yaşlı Teymur Əsədullazadə yarışda II yerə layiq görülərək gümüş medala sahib çıxıb.
Teymur bildirib ki, dronlara marağı sosial şəbəkələrdə aparatların uçuş videolarını izlədikdən sonra yaranıb. Məktəbli yarışa hər gün 2-3 saat məşq edərək hazırlaşdığını deyib.
O qeyd edib ki, növbəti yarışlarda birinci yeri qazanmaq və gələcəkdə peşəkar dron pilotu olmaq istəyir.
