Orucun orqanizmə bərpaedici (DNT) təsiri var. Bunu Milli Məclisin Səhiyyə komitəsinin sədr müavini, tibb elmləri doktoru, tanınmış həkim, 77 saylı Astara seçki dairəsindən seçilən millət vəkili Rəşad Mahmudov bildirib.
Onun sözlərinə görə, orucun xərçəng hüceyrələrini hazır qlükozadan məhrum edərək (normal hüceyrələrə nisbətən enerjidən daha çox asılı olduqları üçün) öldürdüyü sübuta yetirilib:
“Orucun sərbəst radikalların təsirinə maneə törətdiyi bilinməkdədir. Oruc tutmaq apoptozis (xəstəlikli və təhlükəli hüceyrələrin yox edilməsi) deyilən mexanizmi işlək hala gətirir. Üstəlik orucun hüceyrələri, toxumaları, orqanları, qanı yeniləyərək orqanizmi və immunitet sistemini yenidən işə salan yeni kök hüceyrələrin əmələ gəlməsinə təkan verdiyi göstərilib".
Tibb elmləri doktoru bildirib ki, orucun, eləcə də planlı və istəkli aclığın ömrü uzatdığını tibb elmi sübut edib:
"Bundan tam şəkildə faydalanmaq üçün qida rasionuna diqqət edilməsi əsas şərtdir. Ən böyük fayda isə, bir ayın sonunda çəkinin ən az 5% azalmasıdır. Deməli, oruc tutmaq sağlamlığı təmin etmək, sağlam olmaq deməkdir".
