Astaralı gənc 7 fevrala təyin edilmiş növbədənkənar prezident seçkilərində ilk dəfə səs verəcək. Bu haqda məlumatı Cenublu.az bu gün, 12 yanvar tarixində Azertac-a istinadən verir.
21 yaşlı Nazənin Ramazanlı bildirib ki, bu hadisə həyatında unudulmaz günlərdən biri olacaq. O, ilk dəfə seçkilərdə iştirak etdiyinə görə həm həyəcanlı, həm də qürurlu olduğunu bildirib:
“Mənim 21 yaşım var, hazırda tarix müəllimi işləyirəm. Bu il ilk dəfə olaraq seçkilərdə iştirak edəcəyəm. Seçkilərdə iştirak etmək mənim üçün həm qürurverici, həm də maraqlıdır. Fevralın 7-də səsverməyə gedib Azərbaycan üçün ən layiqli namizədə səs verəcəyəm”, – deyə Nazənin Ramazanlı əlavə edib.
