Astara rayonunda tarixi romanlar yazarı, publisist Yunus Oğuzun şəhid ailələri və qazilərlə görüşü keçirilib. Bu haqda məlumatı Cenublu.az bu gün, 2 sentyabr tarixində Milli.az-a istinadən verir.
Şuşa şəhərinin inşa edilməsinin 270 illiyinə və 44 günlük Vətən müharibəsinə həsr olunan əsərin müzakirə olunduğu tədbirdə icra hakimiyyətinin məsul işçisi Fəhmin Qurbanov, Astara rayonu Şüvü kənd kitabxana filialının müdiri Ceyhun Babayev, Vətən müharibəsi qəhrəmanı, şəhid Əli Feyziyevin anası Rəvayət Feyziyeva, Vətən müharibəsi şəhidinin bacısı Aysel Əkbərova və qazilər iştirak ediblər.
Tədbirin aparıcısı Lənkəran Regional Mədəniyyət İdarəsinin baş məsləhətçisi, Astara rayonu üzrə nümayəndə Şadoğlan Bayramov Yunus Oğuzun həyat və yaradıcılığı haqqında iştirakçılara məlumat verib.
Tədbirin sonunda şəhid və qazi ailələrinə "Cığır" romanı hədiyyə edilib və xatirə şəkli çəkilib.
