Astara rayon Heydər Əliyev Mərkəzində “Azərbaycan ətraf mühitin qorunmasına, iqlim dəyişmələrinin mənfi təzahürlərinin qarşısının alınmasına xüsusi önəm verir” mövzusunda tədbir keçirilib. Bu haqda məlumatı Cenublu.az bu gün, 31 may tarixində verir.
“Yaşıl dünya naminə həmrəylik ili” çərçivəsində təşkil olunan tədbirdə Astara Dövlət Rəsm Qalereyasının əməkdaşları və D.Əsədov adına Şahağacı kənd 2 saylı məktəbinin müəllim və şagirdləri iştirak ediblər.
Əvvəlcə ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Sonra “Yaşıl dünya naminə həmrəylik ili” mövzusunda film nümayiş olunub. Yekunda iştirakçılar mərkəzin elektron kitabxanasında saxlanılan kitablar və Rəssamlıq dərnəyi üzvlərinin əl işlərindən ibarət sərgiyə baxış keçiriblər.
