Astara Park Bulvar Kompleksində Uşaqların Beynəlxalq Müdafiəsi Gününə həsr olunmuş məktəblilərin əl işlərindən ibarət rəsm sərgisi və konsert təşkil edilib. Bu haqda məlumatı Cenublu.az bu gün, 1 iyun tarixində verir.
"Yaşıl dünya naminə həmrəylik ili" çərçivəsində keçirilən tədbirdə rayonun sevilən ifaçılarının çıxışları ilə yanaşı, burada fəaliyyət göstərən körpələr evi-uşaq bağçaları şagirdlərinin rəqs nömrələrinə yer verilib.
Tədbirdə rayon İcra Hakimiyyəti başçısı aparatının məsul işçiləri, ictimaiyyət nümayəndələri, idarə, müəssisə, təşkilat rəhbərləri, məktəb və körpələr evi-uşaq bağçalarının müəllim və şagirdləri, valideynlər iştirak ediblər.
