Astara rayonunun Sərək kənd Mədəniyyət Evində şəhid Yalçın Nəsirovun mövlud günü münasibətilə tədbir təşkil edilib. Bu haqda məlumatı Cenublu.az bu gün, 30 yanvar tarixində verir.
Mərasimdə Yalçın Nəsirovun ailə üzvləri, adını daşıdığı məktəbin direktoru Nuranə Həmidova, müəllimi olmuş və Milli Qəhramana həsr edilmiş kitabın müəllifi Rəhimə İsgəndərova çıxış edərək, şəhidin xatirəsini yad ediblər. Sonda Milli Qəhrəmanın məzarı ziyarət edilib.
Tədbirdə YAP Astara rayon təşkilatının sədri Həbib Cəfərov, Lənkəran-Astara Regional Mədəniyyət İdarəsinin baş məsləhətçisi Ş.Bayramov, Səfərbərlik və Hərbi Xidmətə Çağırış üzrə Dövlət Xidmətinin nümayəndələri iştirak ediblər.
Xatırladaq ki, Yalçın Nəsirov 1995-ci ilin Mart hadisələri zamanı aldığı yaradan vefat edib. Ona ölümündən sonra “Azərbaycanın Milli Qəhrəmanı” adı verilib.
