Astarada şəhid övladlarının tətil mövsümünü maraqlı və maarifləndirici keçirmək məqsədilə düşərgə təşkil olunub. Bu haqda bu gün, 10 avqust tarixində Cenublu.az Azərtac-a istinadən xəbər verir.
“Əmanət” adlı yay düşərgəsi Sosial Xidmətlər Agentliyinin təşkilatçılığı ilə təşkil olunub. Tədbirdə Astaradan savayı Lerikdən olan Vətən müharibəsi şəhidlərinin övladları da iştirak ediblər. Balacalar əvvəlcə rayondakı bulvarı ziyarət ediblər. Daha sonra təşkil olunan əyləncələr uşaqların ürəyincə olub. Şəhid ailələrinin övladlarının asudə vaxtının səmərəli təşkili məqsədi daşıyan düşərgədə 40-a yaxın şəhid uşağı iştirak edib.
“Əmanət” düşərgəsi Lənkəran, Cəlilabad, Masallı rayonları və sonda Astarada təşkil edilib.
