Astarada gənclər və yeniyetmələrə narkotik vasitələrin yarada biləcəyi zərərlər haqda danışılıb. Bu haqda bu gün, 25 avqust tarixində Cenublu.az Astara Rayon Gənclər və İdman İdarəsinə istinadən xəbər verir.
“Sağlam həyat naminə narkomaniyaya yox deyək” mövzusunda keçirilən tədbir Astara rayon Gənclər və İdman İdarəsi, Astara rayon Polis Şöbəsi və Astara Dövlət Rəsm Qalereyasının birgə təşəbbüsü ilə təşkil olunub. Görüş Astara Dövlət Rəsm Qalereyasında keçirilib.
Tədbirdə gənclərə narkotiklərin insan orqanizminə məhvedici təsiri, doğurduğu faciələr, narkomaniya ilə mübarizənin uzunmüddətli və çoxşaxəli bir proses olduğu, bəzi gənclərin narkotik asılılığı barədə məlumatlar verilib.
Daha sonra narkotikin sağlamlığa verdiyi ziyanı əks etdirən 46-dan çox əl işinin geniş sərgisi nümayiş olunub.
