Astarada “Müstəqil Azərbaycan” mövzusunda məktəblilər arasında “Nə? Harada? Nə Zaman?” intellektual oyunu keçirilib. Bu haqda məlumatı Cenublu.az bu gün, 25 may tarixində verir.
Müstəqillik Gününə həsr olunmuş tədbir Astara Gənclər Evi SXM-də baş tutub. Burada 9 məktəb komandası biliklərini sınayıb.
Yekunda Astara şəhər 1 nömrəli məktəbinin “Frefall” komandası I yerə, Astara şəhər 3 nömrəli məktəbinin “Savalan” komandası II yerə, Astara şəhər 2 nömrəli tam orta məktəbinin “Ziya” komandası III yerə layiq görülüb.
Fəxri yerləri qazanan komandaların üzvlərinə Lənkəran–Astara Regional Gənclər və İdman İdarəsinin diplomları təqdim olunub.
