Astara rayonu ərazisində gizlədilən narkotik vasitələr Bakı şəhərində ayrı-ayrı şəxslərə çatdırılıb. Bu haqda məlumatı Cenublu.az bu gün, 27 dekabr tarixində verir.
Bakı şəhərinin Binəqədi rayonu ərazisində xüsusi əməliyyat-axtarış tədbiri keçirilib. Nəticədə paytaxt sakini, 30 yaşlı İmamverdi İsgəndərovun üzərindən və avtomobilindən 13 kiloqram tərkibi psixotrop maddələrlə zənginləşdirilən qurudulmuş marixuana, 7 kiloqram heroin, 4 kiloqram psixotrop maddə metamfetamin olmaqla ümumilikdə 24 kiloqram narkotik maddə aşkar edilərək götürülüb.
Məlumata görə, o, narkotikləri tanıdığı İran vətəndaşının tapşırığı ilə Astara rayonu ərazisində gizlədilən yerdən Bakıda ayrı-ayrı şəxslərə sataraq, pul qazanmaq məqsədilə əldə edib.
Faktla bağlı cinayət işi başlanılıb. İ.İsgəndərov barəsində həbs qətimkan tədbiri seçilib.
