Astara Dövlət Rəsm Qalereyasında "Yaşıl dünya naminə həmrəylik ili" ilə əlaqədar keçirilən sərgi başa çatıb. Bu haqda məlumatı Cenublu.az bu gün, 1 iyun tarixində verir.
"Dünyamızı qoruyaq" rəsm müsabiqəsində rayonun ümumtəhsil məktəblərinin müəllim və şagird kollektivi, həvəskar rəssamlar iştirak ediblər. Müsabiqədə iştirak edən 45-dən çox əl işinin açıq sərgisi təşkil olunub. Nümayiş olunan əl işlərinin texnikası, rəng kompozisiyası və ideyası barədə məlumat verilib. Sonda əl işləri ilə fərqlənən rəssamlara diplom və hədiyyələr təqdim olunub.
