Astara Dənizkənarı Park-Bulvar Kompleksində Lənkəran–Astara Regional Gənclər və İdman İdarəsi, Lənkəran–Astara Regional Təhsil İdarəsinin birgə təşkilatçılığı ilə ümummilli lider Heydər Əliyevin anadan olmasının 101-ci ildönümünə həsr olunmuş atletika üzrə məktəbli qızlar və oğlanlar arasında Astara rayon turniri keçirilib. Bu haqda məlumatı Cenublu.az bu gün, 25 aprel tarixində verir.
Tədbirin açılış mərasimində Astara rayonu üzrə gənclər və idman sektorunun əməkdaşları, Ceyhun Babayev adına Astara şəhər 3 saylı tam orta məktəbin fiziki tərbiyə müəllimi, yarışın baş hakimi, Atletika Federasiyasının Astara rayon nümayəndəsi, Atletika üzrə veteranlar arasında 5 qat Azərbaycan çempionu Rəşad Əliyev çıxış ediblər.
Yarışda 12 məktəb komandalarını təmsil edən 83 nəfər idmançı (59 oğlan, 24 qız) mübarizə aparıb. Yarışda 300 metr məsafəyə qaçışda qızlar, 500 metr və 1000 metr məsafəyə qaçışda oğlanlar mübarizə aparıblar.
