Astara rayonunun Ərçivan qəsəbəsində 33 kiloqram narkotik vasitə, psixotrop maddə və həblərin paytaxt ərazisinə çatdırılmasının qarşısı alınıb. Bu haqda məlumatı Cenublu.az bu gün, 10 fevral tarixində verir.
Astara RPŞ əməkdaşlarının keçirdikləri əməliyyat tədbirləri zamanı əvvəllər məhkum olunmuş Bakı şəhər sakini, Aqil Şirəliyev saxlanılıb. Onun "Chevrolet Nexia" markalı avtomobilindən 15 kiloqram heroin, 16 kiloqram marixuana, 2 kiloqram metamfetamin və 1000 ədəd metadon həbi aşkarlanaraq götürülüb.
Müəyyən edilib ki, saxlanılan şəxs İrandan qaçaqmalçılıq yolu ilə gətirilən narkotikləri pul müqabilində paytaxta çatdırmaq məqsədilə alıb. A.Şirəliyev barəsində həbs qətimkan tədbiri seçilib.
Araşdırma aparılır.
Əlavə olaraq, Astara rayonunda son 1 ay ərzində 11 ədəd müvafiq sənədləri olmadan qanunsuz saxlanılan ov tüfəngi aşkar edilib.
[caption id="attachment_53531" align="alignnone" width="336"]
Foto DİN[/caption]
