Astara şəhərində qaz təchizatında müvəqqəti fasilə yaranacaq.
Cenublu.az xəbər verir ki, şəhərin 28 May küçəsində yerləşən 33 mənzilli çoxmərtəbəli yaşayış binasına yeni çəkilmiş qaz xəttinin mövcud qazpaylayıcı şəbəkəyə qoşulması məqsədilə bu gün, 25 fevral tarixdə saat 14:00-dan etibarən işlər başa çatanadək bir sıra ərazilərdə qazın verilişi dayandırılacaq.
Planlaşdırılan işlərlə əlaqədar şəhərin H.Əliyev prospekti, Qum, Azərbaycan, Nizami, Füzuli, M.Hüseynov və 28 May küçələri üzrə ümumilikdə 1700 abonentin qaz təchizatının müvəqqəti olaraq məhdudlaşdırılması nəzərdə tutulur.
