Astaralı MAXE hərbi qulluqçu, Vətən müharibəsi şəhidi Elkiyar Abdulla oğlu Məmmədovun anadan olmasından 30 il keçir.
Elkiyar Məmmədov 7 avqust 1992-ci ildə Astaranın Ərçivan qəsəbəsində anadan olub. 2009-cu ildə Ərçivan qəsəbə 4 nömrəli məktəbi bitirdikdən sonra 2010-cu ildə həqiqi hərbi xidmətə yollanıb və 2012-ci ildə hərbi xidmətini başa vurub. 2013-cü ildən Mingəçevir şəhərində yerləşən “N” saylı hərbi hissədə MAXE hərbi qulluqçu kimi sürücü vəzifəsində xidmətə başlayıb, 2015-ci ildə isə Füzuliyə ezam olunub.
Vətən müharibəsi başlayanda o, artıq 5 il idi ki, Füzulidə yerləşən “N” saylı hərbi hissədə qüsursuz xidmət göstərirdi. Müharibə zamanı Xocavənd uğrunda gedən döyüşlərdə savaşıb. 1 noyabr 2020-ci ildə Xocavənd döyüşləri zamanı şəhidlik zirvəsinə ucalıb. 30 noyabr tarixində torpağa tapşırılıb. Ailəli idi. İki qızı və 1 oğlu Vətənə əmanət qalıblar.
Ölümündən sonra “Vətən uğrunda” və “Xocavəndin azad olunmasına görə” medalları ilə təltif olunub.
