Astara rayon icra hakimiyyətinin başçısı Qəzənfər Ağayev Şahağac kəndində səyyar qəbul-görüş keçirib. Bu haqda məlumatı Cenublu.az bu gün, 26 avqust tarixində Astara RİH-yə istinadən verir.
Görüşdə rayonun inzibati orqanlarının, idarə və müəssisələrin rəhbərləri iştirak ediblər.
Səyyar qəbulu giriş sözü ilə açan icra başçısı ilk öncə kənddə görülən işlər haqda danışıb. Kəndin elektrik xətt təsərrüfatı SİP kabelləşmə aparılmaqla yenidən qurulub, hər iki məktəbə gedən kənd ara yolları asfaltlanıb, qazlaşma tam başa çatıb.
Daha sonra sakinlər kəndə içməli su xəttinin çəkilməsinə, 2 saylı tam orta məktəbin dam örtüyünün təmirinə, kənddə bankomatın qoyulmasına, elektrik transformatorunda gərginliyin artırılmasına, şəhid ailəsi üçün fərdi yaşayış evinin tikintisinə və ara yolların təmirinə köməklik göstərilməsini xahiş ediblər. İcra başçısı söylənən məsələlərin həlli ilə əlaqədar aidiyyəti üzrə tapşırıqlar verərərək görüşü yekunlaşdırıb.
