Astara rayon Maliyyə İdarəsində “Hər kitabı ünvanına” layihəsi çərçivəsində görüş baş tutub. Bu haqda məlumatı Cenublu.az bu gün, 9 avqust tarixində Lənkəran Regional Mədəniyyət İdarəsinə istinadən verir.
Astara rayon Mərkəzi Kitabxanasının şöbə müdiri Gülüstan Dadaşova Maliyyə İdarəsinin rəisi Cavid Abbasova və idarənin əməkdaşlarına layihə haqqında ətraflı məlumat verib.
Görüşdə kitabxanaçılar adıçəkilən idarənin işçilərinə C.Qruberin “Dövlət maliyyəsi və dövlət siyasəti”, Z.Fərrux və V.Zeynalovun “Maliyyə pul tədavülü kredit”, “Azərbaycan Respublikasının Əmək Məcəlləsi”, eləcə də M.Sadıqov və A.Hüseynovun “Korporativ maliyyə” və s. kitabları təqdim ediblər və onlardan bir neçəsi kitabxanaya üzv yazılıblar.
