Bu gün astaralı şəhid Rauf Cahangirovun mövlud günüdür.
Rauf Cahangirov 31 avqust 1998-ci ildə Astara rayonunun Maşxan kəndində dünyaya göz açıb. 2015-ci ildə böyüyüb boya-başa çatdığı kəndin təhsil ocağını bitirdikdən sonra Lənkəran Dövlət Universitetinin “Maliyyə və kredit” ixtisası üzrə bakalavr pilləsinə qəbul olub.
İgidimiz universiteti bitirdikdən sonra 2019-2020-ci illərdə Ağdam rayonunda N saylı hərbi hissədə həqiqi hərbi xidmət keçib. Könüllü olaraq orduya yazılan Rauf Cahangirov təlimlərə qatılıb. O, Füzuli, Cəbrayıl, Xocavənd, Hadrut, Zəngilan və Şuşa uğrunda gedən döyüşlərdə böyük qəhrəmanlıqlar göstərib.
Rauf Cahangirov 2 noyabr tarixində Şuşa istiqamətində gedən şiddətli döyüşlərdə qəhrəmancasına şəhid olub. Fəxrimiz ölümündən sonra "Vətən Uğrunda", "Füzulinin azad olunmasına görə", "Cəbrayılın azad olunmasına görə" və "Xocavəndin azad olunmasına görə" medalları ilə təltif edilib.
