Bu gün şəhid Nihad Əhmədovun doğum günüdür.
Nihad Əhmədov 7 sentyabr 2000-ci ildə Astaranın Alaşa kəndində dünyaya göz açıb. Doğulduğu kəndin məktəbində 9 illik təhsilini başa vurduqdan sonra tam orta təhsilini Birinci Qarabağ müharibəsinin şəhidi Elman Ağayev adına Səncərədi kənd tam orta məktəbində alıb.
Həqiqi hərbi xidmətdən sonra hərbçi olmağa qərar verən Nİhad Vətən müharibəsində savaşıb. O, Kəlbəcər, Suqovuşan və Murovdağ yüksəkliklərinin azad olunmasında şücaət göstərib.
İgidimiz 10 oktyabr tarixində Suqovuşan uğrunda gedən ağır döyüşlərdə qəhrəmancasına şəhid olub. Nihad Əhmədov ölümündən sonra "Vətən uğrunda" və " Suqovuşanın azad olunmasına görə” medalları ilə təltif olunub.
