Astara sakininin evində külli miqdarda narkotik vasitə aşkarlanıb. Bu haqda məlumatı Cenublu.az bu gün, 29 avqust tarixində Apa.az-a istinadən verir.
Belə ki, “Xaşxaş 2022” şərti adlı kompleks əməliyyat-axtarış tədbirləri çərçivəsində Astara rayon Polis Şöbəsinin əməkdaşları tərəfindən çətənə bitkiləri yetişdirməkdə şübhəli bilinən rayonun Ərçivan qəsəbəsinin sakini, əvvəllər məhkum olunmuş Emil Zərbiyev saxlanılıb. Onun yaşadığı evin həyətindən kultivasiya yolu ilə yetişdirdiyi 25 ədəd çətənə bitkisi, ayrı-ayrı bükümlərdə 6 kiloqrama yaxın heroin, 6 kiloqram 481 qram tiryək, 1 kiloqramdan artıq marixuana, 35 qram həşiş qətranı, 31 qram metamfetamin, əlavə olaraq ümumilikdə 68 ədəd narkotik və güclü təsir edən maddə tərkibli həblər və 1 ədəd elektron tərəzi aşkarlanaraq götürülüb.
Faktla bağlı istintaq və əməliyyat-axtarış tədbirləri davam edir.
