Masallının Miyanku kəndi ərazisində icra başçısı və sakinlər arasında görüş keçirilib. Bu haqda bu gün, 17 avqust tarixində Cenublu.az Masallı RİH-yə istinadən xəbər verir.
Görüşdə İcra Hakimiyyətinin başçısı Araz Əhmədov, əməkdaşları və digər dövlət qurumlarının nümayəndələri iştirak ediblər. İlk öncə şəhidlərimizin xatirəsi 1 dəqiqəlik sükutla yad edilib.
Daha sonra sakinlər icra başçısı və dövlət nümayəndələrinə onları maraqlandıran sualları veriblər. Araz Əhmədov həll oluna biləcək məsələləri yerindəcə həll edib. Digər məsələlərlə bağlı isə müvafiq qurumlara tapşırıqlar verilib.
Görüşün sonunda Araz Əhmədov yataq xəstəsi olan Samir Tahirovu onun anasının xahişi ilə evində ziyarət edib.
İcra başçısı xəstənin tezliklə sağalması üçün həkimlərə müvafiq tapşırıqlarını verib.
