Qida Təhlükəsizliyi Agentliyinin əməkdaşları Lənkəranda monitorinqlər təşkil ediblər. Bu haqda bu gün, 7 sentyabr tarixində Cenublu.az AQTA-ya istinadən xəbər verir.
Yoxlamalar nəticəsində 3 obyektdə nöqsanlar aşkar edilib. Obyektlərdə obliqat qrupuna daxil olan işçilərin ilkin və dövri tibbi müayinədən keçirilməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu ilə bağlı nöqsanlar qeydə alınıb. Nöqsanlar aşkar olunan obyektlər aşağıdakılardır:
- “ZZ” şərab evi - Mir Mustafa xan küçəsi;
- Babayev İlkin Əlifağa oğluna məxsus mağaza - Əli Məmmədov küçəsi;
- “Zeytun” kafesi - Paşa Təhməzov küçəsi.
Standartların pozulduğu obyektlərlə bağlı qanunvericiliyin tələblərinə uyğun müvafiq tədbirlər görülüb.
