Qida Təhlükəsizliyi Agentliyinin əməkdaşları qeyri-qanuni yollarla əldə edilmiş quş ətinin satışı və istifadəsinin qarşısının alınması məqsədilə iaşə və ticarət obyektlərində yoxlama aparıblar. Bu haqda bu gün, 26 yanvar tarixində Cenublu.az xəbər verir.
Belə ki, Astarada fəaliyyət göstərən "Astara" istirahət mərkəzində və "Ceyran" kafesində, həmçinin Lənkəranda yerləşən "Green forest" və "Hirkan" istirahət məkanlarında, "Şəlalə" və "Dədə bala" kafelərində çöl quşları ətinin istifadə edildiyi məlum olub. Nəticədə nöqsanlarla bağlı qanunamüvafiq tədbirlər görülüb.
Hazırda monitorinqlər davam etdirilir.
