Bu ilin aprel ayında havanın orta aylıq temperaturunun əsasən iqlim normasına yaxın olacağı gözlənilir.
Cenublu.az xəbər verir ki, Milli Hidrometeorologiya Xidmətindən verilən məlumata görə, Masallı, Yardımlı, Lerik, Lənkəran, Biləsuvar, Astara və Cəlilabad rayonlarında havanın orta aylıq temperaturunun 9-13 dərəcə isti olacağı proqnozlaşdırılır ki, bu da iqlim normasına uyğundur. Gecələr havanın temperaturu 7-12°, bəzi günlərdə 0-4°, gündüzlər isə 12-17°, bəzi günlərdə 20-25° isti olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 41-72 mm).
İmişli, Sabirabad, Saatlı və Neftçala rayonlarında isə havanın orta aylıq temperaturunun 13-15 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 8-13°, gündüzlər 13-18°, bəzi günlərdə isə 23-28° isti olacaq. Aylıq yağıntının miqdarının iqlim normasına yaxın, bəzi ərazilərdə bir qədər çox olacağı gözlənilir (norma 30-49 mm).
