Masallıda baş verən yanğınların söndürülməsində iştirak edən amfibiya tipli təyyarədə texniki problem yaranıb. Bu haqda bu gün, 29 avqust tarixində Cenublu.az Report.az-a istinadən xəbər verir.
Belə ki, FHN-ə məxsus amfibiya tipli “BE-200ÇS” təyyarəsinin ekipajı tərəfindən Lənkəran Beynəlxalq Hava Limanına təcili enmə qərarı verilib. Qəza enişi edən təyyarənin ekipajının peşəkarlığı nəticəsində xəsarət alan olmayıb.
Qeyd edək ki, amfibiya tipli “BE-200ÇS” təyyarəsi aktiv olaraq Masallı rayonunun Məmmədoba kəndi yaxınlığında baş vermiş yanğının söndürülməsinə cəlb olunmuşdur.
