Bu gün Vətən müharibəsi şəhidlərimizin – İlkin Məmmədov, Gülşad Xəlilovun və Valeh Məmiyevin anadan olduqları gündür.
Valeh İsbat oğlu Məmiyev 1994-cü il martın 27-də Yardımlı rayonunun Kürəçi kəndində dünyaya göz açıb.
O, 2015-ci ilin dekabr ayında leytenant rütbəsi ilə tank tağım komandiri kimi vətənə xidmətə başlayıb. Xidmət etdiyi müddətdə “Azərbaycan Ordusunun 100 illiyi (1918-2018)” medalı ilə təltif edilib.
Vətən müharibəsində iştirak edən Valeh oktyabrın 23-də Qubadlı rayonunun azad olunması uğrunda gedən döyüşlərdə şəhid olub.
Ölümündən sonra “Azərbaycan Bayrağı” ordeni, “Vətən Uğrunda”, “Cəbrayılın azad olunmasına görə”, “Qubadlının azad olunmasına görə” medalları ilə təltif edilib.
İlkin Fərhad oğlu Məmmədov 2002-ci il martın 27-də Biləsuvar rayonunda anadan olub. O, Vətən müharibəsində düşmən hücumunun qarşısını alarkən qəhrəmancasına şəhid olub. 2020-ci il noyabrın 6-da Biləsuvar şəhər qəbiristanlığında dəfn olunub.
İlkin Məmmədov ölümündən sonra "Vətən uğrunda" və “Suqovuşanın azad olunmasına görə” medalları ilə təltif edilib.
Gülşad Elşad oğlu Xəlilov 2001-ci il martın 27-də Masallı rayonunun Kürdəbazlı kəndində anadan olub. Gülşad Xəlilov Vətən müharibəsi zamanı Füzulinin azadlığı uğrunda gedən döyüşlərdə savaşıb. O, oktyabrın 15-də Füzuli döyüşləri zamanı şəhid olub. Masallı rayonunda dəfn olunub.
Ölümündən sonra "Vətən uğrunda" və "Ağdamın azad olunmasına görə" medallarıı ilə təltif edilib.
