75 saylı Yardımlı-Masallı seçki dairəsində ən yaşlı seçicinin 110 yaşı var. Bu haqda məlumatı Cenublu.az bu gün, 18 yanvar tarixində Azərtac-a istinadən xəbər verir.
Belə ki, Dairə Seçki Komissiyasının sədri Qabil Canəliyev qeyd edib: “Seçki məntəqələrində seçkilərə hazırlıq işləri qanunvericiliyin tələblərinə uyğun aparılır. Hazırlıq işləri yekunlaşmaq üzrədir. Dəqiqləşdirilmiş son seçici siyahılarına görə, dairə üzrə 49 min 898 seçici qeydə alınıb. Qeydə alınan ən yaşlı seçicinin 110 yaşı var, ilk dəfə səsvermə hüququ qazanan gənclərin sayı isə 2788 nəfərdir. Bütün seçki məntəqələri lazımi avadanlıqla, rabitə və digər texniki vasitələrlə, təşviqat vəsaitləri, seçkilərin keçirilməsi üçün təlimatlarla təmin edilib. Səsvermənin gedişini izləmək üçün 5 seçki məntəqəsində veb-kamera quraşdırılıb”.
