Cəlilabad rayonunun Alar kənd sakini, 18 yaşlı Nahidə Zeynalova itkin düşüb. Bu haqda məlumatı Cenublu.az bu gün, 22 may tarixində Report.az-a istinadən verir.
Hadisə mayın 17-də baş verib. N. Zeynalova yaşadığı evdən çıxıb və indiyədək geri qayıtmayıb.
Onun əlamətləri bunlardır: boyu 158 sm, gözləri qəhvəyi, saçları qara rəngdədir, arıq bədən quruluşludur. Evdən çıxan zaman əynində göy rəngli köynək olub.
İtkin düşən şəxsi tanıyan və barəsində məlumatı olanlardan "102" Xidməti Zəng Mərkəzinə, həmçinin Cəlilabad Rayon Polis Şöbəsinin (055) 248-17-33 nömrəsinə zəng vuraraq məlumat vermələri xahiş olunur.
