Lənkəran rayonunun Tütəpeştə kəndində 11 yaşlı qıza təcavüz etmiş şəhər sakini, 44 yaşlı Ceyhun Liftiyevə hökm oxunub. Bu haqda məlumatı Cenublu.az bu gün, 20 yanvar tarixində verir.
C.Liftiyev Cinayət Məcəlləsinin 150.3.3-cü (14 yaşına çatmayan şəxsə qarşı seksual xarakterli zorakılıq əməlləri) maddəsi ilə təqsirli bilinib.
Məhkəmədə məlum olub ki, Ceyhun Liftiyev Lənkəranla Bakı arasında özünə məxsus “Mercedes-Benz” markalı avtomobillə taksi fəaliyyəti göstərib. Üç uşaq atası olan Ceyhun Liftiyevin təcavüz etdiyi 11 yaşlı qız isə onun arvadının əmisi nəvəsi olub və hadisə vaxtı beşinci sinifdə oxuyurmuş.
Ceyhun Tütəpeştə kəndinə qohumuna bağlama apararkən azyaşlı qızın evdə tək olmasını bilib və mənzilə daxil olaraq sərxoş halda ona qarşı seksual xarakterli zorakılıq hərəkətləri edib. Qız başına gələnləri qonşuluqda yaşayan qohumuna və nənəsinə deyib və polisə məlumat verilib. Az sonra Ceyhun Liftiyev saxlanılıb və barəsində cinayət işi açılıb.
Ağır Cinayətlər Məhkəməsinin 11 yanvar 2024-cü il tarixli hökmü ilə Ceyhun Liftiyev 17 il müddətinə azadlıqdan məhrumetmə cəzasına məhkum edilib. Hökmdə onun cəzasını ciddi rejimli müəssisədə çəkəcəyi də qeyd edilib.
