SON XƏBƏRLƏR

Müzəffər İbrahim oğlu Nəsirli 1902-ci ildə Lənkəran rayonunun Şağlakücə kəndində anadan olub. O, “Leninçi” (indiki Lənkəran) qəzetinin ilk məsul katibi idi.

O, 1929-1931-ci illərdə Azərbaycan Öyrənmə Cəmiyyətinin Lənkəran şöbəsinin katibi, 1931-1934-cü illərdə isə “Qızıl Talış” (indiki Lənkəran) qəzetinin məsul katibi işləyib. Nəsirli 1936-cı ildə Azərbaycan Dövlət Pedaqoji İnstitutunu bitirib [1].

1929-cu ildə Müzəffər Nəsirli Şöyüb Mürsəlovla talış dilində “Səvodin bıbən” (Savadlı olun) adlı ilk kitabını yazıb [2]. O,1930-cu ildə Zülfüqar Əhmədzadə ilə məktəb üçün dərsliklər hazırlayıb [1]. Daha sonra Müzəffər coğrafiya dərsliyini Azərbaycan dilindən talış dilinə tərcümə edib və “Talış nəğmələri” kitabını çap edib [2].

Nəsirli 18 noyabr 1928-ci ildə Bakıda ilk dəfə radioda Talış folklorunun nümunələrini – talış dilində 4 mahnını səsləndirib. Yazıçı Əsgər Quliyev öz məqalələrindən birində onun haqqında belə yazıb: “Nəsirli maraqlı və istedadlı insan idi, tarda yaxşı ifa edirdi, yüksək səslə oxuyurdu. Satirik əsərlər hazırlayırdı. Rejissor və eyni zamanda aktyor idi” [3].

Nəsirli professor Boris Miller və Elmi Tədqiqat Institutunun əməkdaşı, professor Vəli Xuluflu ilə talış dilinin tədqiqi, folklor nümunələrinin toplanması istiqamətində elmi ekspedisiyalarda iştirak edib.

1930-cu illərdə Nəsirli repressiya olunaraq, 7 illik həbs cəzası alıb. Lakin o, Daşkənddə 2 il həbsxanada qaldıqdan sonra, ittiham əsassız olduğundan 5 mart 1940-cı ildə azadlığa buraxılıb.

Müzəffər Nəsirli 1940-1941-ci illərdə Bakıda müəllim işləyib. O, 1941-1944-cü illərdə Masallı şəhər 1 saylı orta məktəbdə direktor müavini kimi çalışıb [1].

Müzəffər Nəsirli 3 mart 1944-cü ildə xəstəlikdən vəfat edib və Masallı şəhər qəbiristanlığında dəfn olunub [1,2].

Hazırda Lənkəran şəhərinin küçələrindən biri onun adını daşıyır [1].

Ədəbiyyat: 

  1. Mirhaşım Talışlı, Etibar Əhədov. Lənkəran: ensiklopedik məlumat. Bakı-2017.
  2. https://ambur.az/muzeffer-nesirli-1902-1944
  3. https://ru.freejournal.org/8317513/1/nasirli-muzaffar.html
Lənkəranda samovara olan tələbat artmaqdadır
Aktual

Lənkəranda samovara olan tələbat artmaqdadır

Lənkəranda ilbəil samovarlara olan tələbat artır. Bununla bağlı ARB Cenub bu gün, 1 oktyabr tarixində reportaj hazırlayıb. Gündəlik rasiyonda adi çaydan çox istifadə edilir. Lakin əksər hallarda çaydan istifadə edənlər