Sabirabad rayonunda 57 yaşlı kişi həyat yoldaşına xəsarət yetirməkdə ittiham olunub.
Hadisə rayonun kəndlərindən birində baş verib. 1969-cu il təvəllüdlü İslam (ad şərtidir) evdə həyat yoldaşı Ülviyyə ilə mübahisə edib. Mübahisə zamanı o, qadını yerə yıxaraq sol göz nahiyəsinə 5-6 dəfə yumruq zərbəsi endirib.
İslam ifadəsində hadisə baş verən zaman spirtli içki qəbul etdiyini bildirib. O, həyat yoldaşı ilə 27 ildir ailəli olduğunu, bu nikahdan üç övladının dünyaya gəldiyini deyib. İslam törətdiyi əməldən peşman olduğunu da ifadə edib.
Faktla bağlı Cinayət Məcəlləsinin 128-ci maddəsi ilə ittiham irəli sürülüb. Sabirabad Rayon Məhkəməsinin hökmü ilə İslam Cinayət Məcəlləsinin 73.2-ci maddəsinə əsasən cinayət məsuliyyətindən azad edilib və iş üzrə icraata xitam verilib.
Mənbə: demokrat.аz
