Bu gün Lənkəran şəhər ərazisində unun topdan satışının dayandırılması müşahidə olunub. Bununla əlaqədar Cenublu.az bu gün, 3 yanvar tarixində araşdırma aparıb.
Belə ki, Böyük bazar ərazisində topdan və pərakəndə un kisəsi satan mağaza 3 yanvar tarixi üçün fəaliyyətini dayandırıb. Cenublu.az-ın sakinlərdən aldığı məlumata əsasən, unun qiymətinin qalxması ilə əlaqədar un satışı mağazada dayandırılıb.
Daha sonra, Şiləvar kəndində yerləşən əsas topdan un satışı ilə məşğul olan mağazadan məlumat aldıq. 50 kq-lıq kisə 27 manata olan un, artıq 37 manat 50 qəpiyə olacağı gözlənilir. Rəsmi olaraq unun bahalaşması ictimaiyyətə bildirilməsə də, artıq bazarda qiymət artımı haqda məlumatlar yayılıb.
Qeyd edək ki, Lənkəran şəhərində yerləşən "Refem" marketdə çəki ilə un satılır və 1 kq-ı 65 qəpikdir.
