Lənkəran və Masallı rayonlarında “Təmiz ölkəm” layihəsi çərçivəsində təmizlik aksiyaları keçiriləcək. Bu haqda məlumatı Cenublu.az bu gün, 31 avqust tarixində verir.
Aksiya 2 sentyabr saat 10:00-dan etibarən Masallı rayonunda Masallı meşəbəyliyində, Lənkəran rayonunda isə Haftoni meşəbəyliyində və Sütəmurdov kəndinin Xəzər dənizi sahilində başlayacaq. Bütün rayon sakinləri aksiyaya qoşulmağa və təbiətimizin qayğısına qalmağa dəvət olunurlar.
Qeyd edək ki, təmizlik aksiyası Ekologiya və Təbii Sərvətlər Nazirliyinin dəstəyi ilə həyata keçiriləcək.
