22 iyul 1875-ci ildə maarifçi Həsən bəy Zərdabi tərəfindən nəşr edilən “Əkinçi” qəzeti ilə Azərbaycanda Milli Mətbuatın əsası qoyulub. Zərdabinin qəzeti nəşr etməyinin əsas məqsədi xalqı maarifləndirmək idi [3].
Azərbaycanın cənub bölgəsində ilk qəzet 1912-ci ildə Lənkəranda “Rıbnoye dole” adı ilə rus dilində çap edilib. 1932-ci ildə Astarada “Ostoro kolxozçi” (talış dilindən “Astara kolxozçusu”), Masallıda “Yeni həyat”, Cəlilabadda isə “Sosializm tarlaçısı” adlanan ilk qəzetlər nəşr olunub [2,4].
Ölkəmizin bütün ərazilərində olduğu kimi, cənub bölgəsində də milli mətbuatın inkişafının yeni mərhələsi Azərbaycanın müstəqillik illərinə təsadüf edir. O zaman yeni mətbuat orqanları fəaliyyətə başlayıb: Cəlilabadda “Sözün işığı” və “Münasibət” nəşrləri, Astarada “Alov”, Masallıda “Qala”, Yardımlıda “Yardımlının səsi”, Lənkəranda isə “Yaşıl çay”, “Fakt+fakt”, “Prizma”, “Bizim era”, “Bizim təbib”, “Veteran yolu” və s. [1].
Ədəbiyyat:
