Astara Rayon Mərkəzi Xəstəxanasında talassemiyalı və hemofiliyalı xəstələrə dəstək məqsədilə qanvermə aksiyası baş tutub. Bu haqda məlumatı Cenublu.az bu gün, 29 avqust tarixində verir.
DİN-in mətbuat xidmətinin Lənkəran regional qrupundan verilən məlumata görə, “Qan ver, yaşat!” devizi ilə reallaşan aksiyada Astara Rayon Polis Şöbəsinin şəxsi heyəti iştirak edib.
Qeyd edək ki, həkim-hemotoloqların iştirakı ilə keçirilən aksiyada hər bir donor qanvermədən əvvəl tibbi müayinədən keçirilib. Toplanan qan laboratoriya müayinəsindən keçirildikdən sonra irsi qan xəstəliklərindən əziyyət çəkən insanların müalicəsində istifadə olunacaq.
