Astara rayonunun Əsxənəkəran və Masallı rayonunun Qəriblər meşəbəyliklərində təmizlik aksiyaları keçirilib. Bu haqda məlumatı Cenublu.az bu gün, 25 sentyabr tarixində Ekologiya və Təbii Sərvətlər Nazirliyinə istinadən verir.
Nazirliyin yerli qurumlarının, Rayon İcra Hakimiyyəti orqanlarının, Mənzil-Kommunal Təsərrüfatı və İstehsalat Birliyinin yerli qurumlarının əməkdaşlarının və rayon sakinlərinin iştirakı ilə keçirilən aksiyalar zamanı müxtəlif növ tullantı yığılaraq ərazilərdən daşınıb.
Qeyd edək ki, "Təmiz ölkəm" aksiyası çərçivəsində meşə və meşəətrafı ərazilərdən bu günədək, ümumilikdə 52 tondan artıq tullantı toplanaraq daşınıb.
