Lənkəran Şəhər Rayon Polis Şöbəsinin Dövlət Yol Polisi Şöbəsinin əməkdaşları şəhər ərazisində yol hərəkəti qaydalarını kobud şəkildə və davamlı olaraq pozan və bununla da vətəndaşların haqlı narazılığına səbəb olan sürücüləri saxlayıblar. Bu haqda məlumat Daxili işlər Nazirliyinin mətbuat xidmətindən Cenublu.az-a bu gün, 17 iyun tarixində verilib.
Yol polisi əməkdaşları tərəfindən keçirilən profilaktik tədbirlər nəticəsində bir qrup gəncin özlərinə məxsus müxtəlif markalı avtomobillərlə dövlət qeydiyyat nişanı olmadan, qanunla qadağan edilməsinə baxmayaraq, avtomobilə konstruksiya dəyişikliyi edərək yol hərəkəti qaydalarını nümayişkaranə şəkildə pozduqları, digər hərəkət iştirakçılarına təhlükə yaratdıqları aşkarlanıb və barələrində qanunvericiliyin tələblərinə uyğun olaraq tədbirlər görülüb. Həmin şəxslərdən bir neçəsinin daha əvvəl də analoji inzibati xəta törədərək məsuliyyətə cəlb olunduğu müəyyən edilib.
Qeyd edək ki, sözügedən nəqliyyat vasitələrini idarə edən şəxslərin əksəriyyəti Vətən müharibəsi iştirakçıları və qazilər olublar.
[URIS id=40015]
