Yardımlı rayonunun Bozayran kənd sakini Gültamam Bədirova yaşayış şəraiti ilə əlaqədar təşkilatlara müraciət edib.
Cenublu.az xəbər verir ki, Əmək veteranı, 2-ci qrup əlil, yataq xəstəsi olan 87 yaşlı qadın bildirib ki, yaşadığı 3 otaqlı ev tamamilə qəzalı vəziyyətdədir.
“Həmin evdə mən, oğlum, gəlinim və bir azyaşlı nəvəm yaşayır. Qorxumuzdan axşamlar gəlinimin atası evində qalırıq. Bizim ev tikmək imkanımız da yoxdur”.
Qeyd edək ki, Gültamam xanımın zabit olan oğlu 13 il öncə xəstəliklə əlaqədar ehtiyata buraxılıb.
