Yay mövsümünün yaxınlaşması ilə bağlı istirahət üçün Xanbulana üz tutanların sayı artmaqdadır. Bir çox insanlar sosial şəbəkələr vasitəsilə Xanbulan gölünə girişin pullu olmasının qanunsuz olduğunu və buna öz etirazlarını bildirirlər.
Bəs qanun nə deyir?
Xanbulan gölü Hirkan Milli Parkının ərazisinə daxildir. Nazirlər Kabinetinin 114-cü qərarına əsasən, Milli Parkın ərazisinə daxil olmaq üçün adambaşına 2 manat ödəniş etmək lazımdır.
Lakin Xanbulan gölündə giriş məntəqəsi olmadığından vəsait Milli Parkın əməkdaşına və yalnız bilet qarşılığında ödənilməlidir.
Bəs ödənişdən kimlər azaddır?
Giriş pulundan Milli Qəhrəmanlar, ərazi bütövlüyü uğrunda döyüşlərdə iştirak etmiş şəxslər (müvafiq təsdiqedici sənədi təqdim etməklə), məktəbəqədər uşaqlar, məktəblilər və onları müşayiət edən müəllimlər azaddırlar.
Bəzən şəhid ailələrinin də giriş pulundan azad olunduğu düşünülür və bu, mübahisələrə səbəb olur. Lakin onlar istənilən Milli Parkın ərazisinə daxil olarkən giriş pulu ödəməlidilər.
