Masallıdan olan Vətən müharibəsi şəhidinin yeni doğulan qardaşı sağalaraq evə buraxılıb. Bu haqda məlumatı Cenublu.az bu gün, 20 iyun tarixində verir.
Belə ki, Masallı Rayon Mərkəzi Xəstəxanasında doğulan körpə tənəffüs çatışmazlığı səbəbi ilə Sumqayıt Perinatal Mərkəzinə təxliyə olunub. Həkimlərin səyi nəticəsində sağlamlığına qovuşan körpə sağalaraq evə buraxılıb.
Qeyd edək ki, 2001-ci il təvəllüdlü Araz Seyfullayev Vətən müharibəsi zamanı Xüsusi Təyinatlı Qüvvələrin tərkibində Füzuli və Cəbrayıl rayonları istiqamətlərində gedən döyüşlərdə iştirak edib. 4 oktyabr 2020-ci ildə şəhidlik zirvəsinə ucalıb.
O, ölümündən sonra “Vətən uğrunda”, “Füzulinin azad olunması” və “Cəsur döyüşçü” medalları ilə təltif olunub.
