Bu gün biləsuvarlı şəhid Tahir Qəribəli oğlu Əlizadənin xatirəsi anılır.
Azərbaycan Silahlı Qüvvələrinin giziri olan Tahir Əlizadə 1994-cü ildə iyunun 21-də Biləsuvar şəhərində anadan olub.
T.Əlizadə Vətən müharibəsi zamanı Cəbrayılın, Füzulinin, Qubadlının və Şuşanın azadlığı uğrunda gedən döyüşlərdə savaşıb. Hadrut döyüşləri zamanı yaralansa da, bir müddət müalicə aldıqdan sonra yenidən döyüşə qayıdıb. O, 8 noyabrda Şuşa uğrunda gedən döyüşlərdə yaralı əsgərlərini xilas edərkən özü də ağır yaralanaraq hospitala yerləşdirilib və dekabrın 6-sı müalicə aldığı hospitalda şəhidlik zirvəsinə yüksəlib.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə" və "Şuşanın azad olunmasına görə" medalları ilə təltif edilib.
