Masallıda icra başçısı su ehtiyatlarından səmərəli istifadənin təmin edilməsi ilə bağlı əlavə tədbirdə iştirak edib. Bu haqda bu gün, 7 aprel tarixində Cenublu.az Masallı RİH-yə istinadən xəbər verir.
Müşavirədə məruzə ilə çıxış edən Viləşçay Su Anbarı İstismar İdarəsinin rəisi Rusif Kərimov təsərrüfat suyundan səmərəli istifadənin faydaları, qanunsuz balıqçılıq təsərrüfatlarının müəyyən mövsümlərdə müxtəlif təhlükələrə yol açmasından bəhs edib. Görüşdə Əmlak Məsələləri Dövlət Xidmətinin Cəlilabad ərazi şöbəsinin torpaqların idarə edilməsi və istifadəsinə nəzarət sektorunun baş məsləhətçi-müfəttişi Eynəli Məmmədov, Fövqəladə Hallar Nazirliyinin Cənub Regional Mərkəzinin Maarifləndirmə sektorunun müdiri Zaur Hüseynov, Ekologiya və Təbii Sərvətlər Nazirliyinin 1 saylı regional Ekologiya və Təbii Sərvətlər İdarəsinin məsləhətçi-müfəttişi Mirkamil Həsənzadə, Masallı Dövlət Aqrar İnkişaf Mərkəzinin direktoru Seymur Nuriyev və Qida Təhlükəsizliyi Agentliyinin Lənkəran-Astara regional bölməsinin böyük məsləhətçisi Tamerlan Məmmədov çıxış ediblər. Tədbirin sonunda rayon ərazisində balıqçılıqla məşğul olanların sualları cavablandırılıb.
