Ali Məhkəmədə külli seksual xarakterli zorakılıq hərəkətləri etməkdə təqsirləndirilən Natiq İsmayılovun barəsindəki qərardan verilən kassasiya şikayəti üzrə məhkəmə iclası başa çatıb.
Hakim Teyyub Muxtarovun sədrliyi ilə keçirilən prosesdə qərar elan olunub.
İttihama görə, 1979-cu il təvəllüdlü Fərrux Bayramov tanışının övladını - Salyan Rayon Mərkəzi Xəstəxanasında “Əqli gerilik, davranış pozğunluğu, debillik dərəcəsində” diaqnozu ilə qeydiyyatda olmaqla 14 yaşına çatmayan, 2009-cu il təvəllüdlü qızı 2022-ci ildə 2 dəfədən artıq olmaqla ayrı-ayrı müxtəlif vaxtlarda görüşmək bəhanəsi ilə evinə dəvət edib. Sonra o, zəiflik vəziyyətindən istifadə etməklə yüngül əqli gerilik və azyaşlı olması ilə əlaqədar qıza seksual xarakterli digər zorakılıq hərəkətləri edib.
Lənkəran Ağır Cinayətlər Məhkəməsinin hökmü ilə o, 11 il 6 ay müddətə azadlıqdan mərhum edilib. Şirvan Apellyasiya Məhkəməsinin qərarına əsasən, şikayət təmin edilməyib.
Qeyd edək ki, adlar şərtidir.
