Lənkəran şəhər İcra Hakimiyyətinin başçısı Taleh Qaraşov Tüədoda kəndində səyyar qəbul keçirib. Bu haqda məlumatı Cenublu.az bu gün, 6 iyul tarixində verir.
Qəbul-görüşdə qaldırılan və İcra Hakimiyyətinin səlahiyyətləri daxilində olan məsələlər yerindəcə həllini tapıb, yerli İcra Hakimiyyətinin səlahiyyətlərinə aid olmayan məsələlər barədə isə aidiyyəti qurumlara rəsmi müraciət olunması və nəticəsi barədə vətəndaşlara məlumat verilməsi tapşırılıb.
Yerli sakinlər də çıxışlarında dövlət idarələrinin və bütün xidmət sahələrinin nümayəndələrinin səyyar görüşdə iştirakının qaldırdıqları problemlərin yerindəcə həllinə köməklik etdiyini bildiriblər. Onlar ucqar ərazidə yaşamaqlarına baxmayaraq, gündəlik həyatlarında həlli mümkün olmayan iqtisadi və sosial problemlərlə qarşılaşmadıqlarını ifadə ediblər.
