Lənkəran Şəhər İcra Hakimiyyətinin başçısı Taleh Qaraşov Vel və Siyavar kəndlərinin sakinlərini dinləyib. Bu haqda məlumatı Cenublu.az bu gün, 21 iyun tarixində verir.
Görüşdə icra hakimiyyəti aparatının məsul şəxsləri, rayonun hüquq mühafizə orqanlarının rəhbərləri, yerli idarə və müəssisələrin nümayəndələri iştirak ediblər.
Taleh Qaraşov ötən səyyar görüş zamanı yerli sakinlər tərəfindən qaldırılan məsələlərin həllinin icra vəziyyəti barədə onları məlumatlandırıb.
Daha sonra Siyavar kənd inzibati ərazi dairəsinin sakinləri onları narahat edən məsələləri səsləndiriblər. Qaldırılan məsələlərin hər biri nəzarətə götürülüb, onların həllindən ötrü addımların atılması üçün səlahiyyətli şəxslərə tapşırıq və tövsiyələr verilib.
