TƏBİB-in idarə heyətinin sədri vəzifəsini icra edən Vüqar Qurbanov Lənkərana səfər edib. Bu haqda məlumat bu gün, 11 yanvar tarixində Lənkəran Rayon Mərkəzi Xəstəxanasının rəsmi Facebook səhifəsində paylaşılıb.
Vüqar Qurbanovun rəhbərlik etdiyi nümayəndə heyəti xəstəxanaya baxış keçirib. Rəis, Təcili Yardım şöbəsində olarkən, şöbə rəhbəri Elgiz Baxşəliyev ona əsaslı şəkildə yenidən qurulan bölmə haqqında ətraflı məlumat verib.
Vüqar Qurbanov, cənublular üçün yüksək xidmətin göstərilməsi üçün yeni avadanlıqlarla təmin olunmuş laboratoriya ilə tanış olub. TƏBİB-in sədri V. Qurbanov kollektivə tapşırıq və tövsiyələrini verib.
Qeyd edək ki, Vüqar Qurbanov 8 yanvar tarixində Lənkəran Regional Perinatal Mərkəzinin açılış mərasimində də iştirak edib.
